منتدى الشروق

منتدى عن مدينة الشروق

بوابة مدينة الشروق www.sherouk21.com بها كل ماتبحث عنه

    مشاكل الاسكان العائلى

    شاطر

    Amira

    المساهمات : 13
    تاريخ التسجيل : 14/07/2010

    مشاكل الاسكان العائلى

    مُساهمة من طرف Amira في الأربعاء يوليو 14, 2010 2:32 pm

    السلام عليكم ورحمة الله
    اولا فعلا كويس اوى المنتدى دا بس هو فى حد من المسئولين بيشفوه والا احنا هنا بنكلم نفسنا
    ثانيا انا بجد عايزة اقول على مشاكل الاسكان العائلى لان فعلا احنا زهقنا وحسينا ان احنا اتسرعنا اوى لما رحنا سكنا ف الشروق عامة والاسكان العائلى خاصة
    المشاكل بقى (دى المشاكل اللى بتوجهنا ف المجاورة التالتة)
    1-الكهرباء ضعيفة جدا وكثيرة الانقطاع لدرجة انها بوظت اجهزة كهربائية كتيرة ولما النور يقطع ونتصل بيهم يقولوا اصل انتوا كهربا احتياطى يانهار ابيض احتياطى فين التخطيط ازاى اصلا احتياطى؟
    2-لاتوجد انارة فى الشوارع والدنيا بعد المغرب تصبح ظلام دامس لاتكاد ترى ايدك فيه.عايزين حتى ف كل شارعحتى لو عمود واحد(النور ف المناطق التانية بيفضل شغال للصبح)
    3-الشوارع غير مرصوفة والردم يتم القائه ف وسط الشارع فى غفلة الجهاز
    4-الصرف طبعا دا مشكلة يشهد لها الجميع بسبب الردم اللى بترمى فوق البلاعات والصرف يقول الجهاز والجهاز يقول الصرف
    5-مفيش طبعا سوبرماركت قريب ولا خدمات ولا حاجة وسبحان الله اول ماحبوا يعملوا حاجة الحمد لله بنولنا ملعب بقالوا سنة ونص مقفول يا سلااام مش عارفة كنا هنقدر نعيش ازاى من غيره احمدك يارب بدل مايبنوا سوبر ماركت والا جامع والا اى حاجة محتاجنها الاول يبنوا الملعب
    وطبعا اقرب صيدلية بينا وبينها حوالى 4 كيلو كدة
    6-طبعا برده غير المواصلات اللى بينا وبينها بتاع ربع ساعة مشى.
    ياااارب حد يهتم.وحسبى الله ونعم الوكيل

    Ashgan

    المساهمات : 3
    تاريخ التسجيل : 19/08/2010

    رد: مشاكل الاسكان العائلى

    مُساهمة من طرف Ashgan في الخميس أغسطس 19, 2010 11:44 am

    فعلا انا فى المجاورة الاولى وبنعانى من نفس المشاكل دى كلهاوزاد عليها كمان المحرقة اللى موجودة فى مدينة بدر اللى بتشتغل بليل وبعت انا وكذا حد شكوى لوزارة البيئة ولا حياة لمن تنادى ربنا يلطف بينا ان شاء الله قريباً

    Amira

    المساهمات : 13
    تاريخ التسجيل : 14/07/2010

    رد: مشاكل الاسكان العائلى

    مُساهمة من طرف Amira في الخميس أغسطس 19, 2010 12:38 pm

    [quote="Ashgan"]فعلا انا فى المجاورة الاولى وبنعانى من نفس المشاكل دى كلهاوزاد عليها كمان المحرقة اللى موجودة فى مدينة بدر اللى بتشتغل بليل وبعت انا وكذا حد شكوى لوزارة البيئة ولا حياة لمن تنادى ربنا يلطف بينا ان شاء الله قريباً[/quote]


    اهلا بيكى وبجد انا نفسى فعلا ان مشاكل الاسكان العائلى تتحل
    اغلب الناس بتقول ان هوحلو وكل حاجة بس عايز وقت عشان يتسكن فيه طيب واللى مش عنده اختيار تانى يقعد الوقت دا فين لحد ما ربنا يكرمهم ويحلو المشاكل دى
    يلا ربنا يصلح الحال

      الوقت/التاريخ الآن هو الأحد أكتوبر 22, 2017 10:44 pm